甄穎珊（Carisa）前晚性感出席活動，對於有報道指她因不肯露三點、推掉電影《3D肉蒲團》而惹老闆不滿致不獲續約，Carisa承認公司曾屬意她演出藍燕一角。她表示：「我對演戲好有興趣，你要我演丑角，上刀山落油鑊都冇問題，但就唔可以三級裸露，我同屋企人比較保守，性感可以，露點就超越底線。（公司唔續約？）真係唔知，我同公司嘅合約係就快完。（向老闆了解？）佢呢排好忙，唔想騷擾佢，如果大家工作方向唔同，天下無不散之筵席，我相信就算喺出面都搵到另一片天。」
