王梓軒港日頻撲變清減

樂壇新人王梓軒（Jonathan）早前簽約成為日本Avex歌手，即將推出日文碟的他近期港日兩邊走，頻撲之下清減不少，問到赴日發展有無壓力時，他笑說：「冇乜壓力，但可能潛意識有，係瘦咗啲。我會以香港為基地，依家都籌備緊香港新碟。」學日文已有小成的他即場晒料：「日常生活應付到，最緊要係食嘢同工作方面。」

早前Jonathan為莫文蔚（Karen）新歌《太多太多》作曲及編曲，他透露兩人深厚淵源：「我哋兩家人好Friend，十幾歲玩音樂時幫A Cappella出碟都有問佢意見。」加埋監製Eric Kwok，浸過鹹水的三人啱晒嘴形：「我哋性格好Click，Karen識多國語言，會用意大利文同法文畀意見。」