巨聲幫湧現陳柏宇姣爆突圍

實力男歌手陳柏宇（Jason），於全新專輯內作突破，化身「妖艷Rock爆男」唱情歌。談到同公司的師妹方珈悠走性感路線，Jason竟大派檸檬，又謂自己喜歡可愛女生多過性感女神！

Jason於最新專輯《Put On》大改形象，由實力斯文男搖身一變為「妖艷Rock爆男」，不抗拒妖冶look的他自言好妖得，影專輯相時，公司還嫌他太妖，不用太姣！勇於嘗新的Jason說適當的誇張可以接受。碟中的新歌《沒有吻的資格》是Jason的「半首」作品，有份作曲，並嘗試以不同聲線唱出。

同門師妹方珈悠最近頻頻以性感打扮上陣，大騷事業線，但她並非Jason的「杯中茶」：「佢唔係我鍾意嘅style，我唔鍾意咁sexy嘅女仔，我鍾意可愛型，好似楊丞琳咁，不過方珈悠呢個嘗試都幾好，起碼唔係賣弄性感。（有冇心儀對象？）成日都有。（有冇追人？）咁又冇，冇咁嘅心機，因為成日掛住做嘢。」

「超級巨聲」的新進歌手湧現，Jason不擔心被威脅：「歌手唔係下下同人比較先好，最緊要同自己比。」

採訪：German

攝影：謝國華

髮型：Alex So & Kiff@P.O.P Hair Dressing

化妝：Jessica Chan

巨聲幫湧現 陳柏宇姣爆突圍