周秀娜胸壓元華武傷頸

由羅守耀執導的新作《殭屍新戰士》，大玩殭屍食殭屍，《殭屍先生》元祖元華在戲中大演反派，追殺善良殭屍周秀娜及錢小豪；在戲中有不少動作場面的周秀娜經常棄用替身，於一場廢置屠房拍攝的戲份，講述她跟錢小豪大戰元華，錢小豪因不敵元華，於是周秀娜便撲向元華作出營救。

頻食NG

周秀娜當日施展渾身解數，手腳並用，先以雙腳鉗實元華下半身，雙手則執住其古烈治頭，十足打摔角般。不過，功力有限的周秀娜最終被華哥狠狠地撻落地，還不慎跌傷頸部！周秀娜表示：「本來導演問我使唔使替身，不過我見跌落地時鏡頭會影住個樣，所以我話唔需要，點知就跌親條頸，當時成個人即刻硬晒！（有冇NG？）好多次，拍得幾辛苦，試戲時我騎住華哥，佢係咁轉，搞到喘晒氣又腳軟，於是叫我落地畀佢留下力，不過華哥身體好好，一啲都唔似呢個年紀。」談到她要胸壓元華，周秀娜即笑說：「係呀，我攬到佢實o架！」

周秀娜在新片飾演善良殭屍。

錢小豪（右）和元華兩名打得之人拳拳到肉。

獲益良多

首次參與動作片的周秀娜大讚元華好人，又謂多得對方提點，令她獲益良多，周秀娜不諱言華哥經常教她兩招，令她明白拍打戲的技巧，她表示：「我唔識就住道力，拍動作戲要識保護自己又要識保護人哋，好在大部分戲同華哥打，同佢打我好放心。」

文：影視組