袁詠儀遭熱情粉絲扯甩髻
【戴佩玉江蘇直擊】「第19屆中國金雞百花電影節」於江陰市舉行得如火如荼，身為大使的袁詠儀(靚靚)，繼前日參觀中國已故著名演員上官雲珠故居後，晚上便到當地的中影星光國際影城出席其影后之作《新不了情》首映會，由於反應熱烈，大會臨時把場地移師另一較大地方舉行。
其後靚靚受訪時，對於下午時分參觀前輩故居時因混亂遭腰斬謂︰「一啲都唔擔心，我見過仲恐怖，以前試過喺四川一個活動，當時有紮髻，點知佢哋為同我影合照，連髻都扯甩我吖！」靚靚自言是上官雲珠影迷，認為雙方性格有點相似，同屬剛烈一族，遺憾未能於該處多點了解對方逸事。