千嬅認片場黑面攞正牌恰娜姐
楊千嬅最近於新片《抱抱俏佳人》中與林峯合作，與對方合作多年的她大讚對方成熟不少。而對於早前有傳她與周秀娜不和，她直言與對方不熟，並稱︰「我係拎正牌蝦佢架！」
對於與林峯多年後的再度合作，千嬅大讚對方成熟了很多，又表示自己和丈夫丁子高與林峯已認識多年，所以對於這次親密演出並不尷尬。而早前有傳她與周秀娜不和，千嬅即稱這只是宣傳技巧，並非事實：「我同佢唔太熟，不過佢都係潮州人，個性好爽朗，好聰明！佢今次演我下屬，所以我係拎正牌蝦佢架！」
為剩女呼冤
而千嬅大笑姑婆的形象深入民心，私底下她卻直言自己亦有心情不好的時候：「如果工作人員做錯嘢，我一定會即刻講，唔會忍，自己心情唔好都會黑面。」
在戲中飾演「剩女」，千嬅大呼：「我真係唔知點解，女人過咗30歲唔嫁人，就好似要拎去浸豬籠咁！」又自言由於從小在一個畸形環境長大，所以曾是「憤青」一族：「潮州人咁重男輕女，我又讀女校喎，所以我細個時覺得一定要叻過晒啲男仔，會有好勝心，所以我未入娛樂圈之前都冇拍過拖架！」談及愛情，千嬅表示自己曾經錯過很多姻緣，在尋覓過程中，得過亦失過。對於擁有一個好老公，連她亦自覺幸運。
有料講原則
經過十多年的演藝生涯，千嬅終於能「忠於自己」，她說：「其實要維持自己嘅原則，真係需要好多本錢，唔係咁容易架。」當年心口有個「勇」字的楊千嬅，早已闖出她的一片天了！
文：影視組 攝：黎志輝
髮型：Sam Pan＠Hair Culture
化妝：Ling Chan@ZING the Makeup School
服裝：Burberry