鄧萃雯延遲行程睇首播

鄧萃雯、曹敏莉、鄭嘉穎、陳細潔、陳少寶等昨日出席屈臣氏頒獎晚宴，鄧萃雯在電視劇《巾幗梟雄之義海豪情》的演出獲監製李添勝大讚，她不會因此感壓力：「我已經同經理人申請咗喺香港睇完第一集先返去內地拍劇，個故事係倒敍，所以大家都要睇第一集呀！我覺得啲宣傳好勁，好似已經要播大結局咁！」
鄧萃雯叫大家最緊要睇第一集《巾幗２》。
鄧萃雯叫大家最緊要睇第一集《巾幗２》。

剛從橫店回港的鄭嘉穎，笑言對今年的視帝之爭可以置身事外，問他睇好邊個？嘉穎說：「要睇埋《巾幗2》先，祥仔都話係廿年難得一見嘅好劇。（視后呢？）都要睇埋先。」至於前緋聞女友佘詩曼有份角逐視后，他表示獎項由公眾投票，冇關私人感情冇得幫。陳細潔及陳少寶在會上奪兩大獎，透露將邀請員工去日本旅行。

鄭嘉穎（左起）、陳細潔、陳少寶與曹敏莉亮相頒獎晚宴。
  • 鄭嘉穎（左起）、陳細潔、陳少寶與曹敏莉亮相頒獎晚宴。