樂基兒雙手護胸：我冇嘢睇
既是天王嫂又是名模的樂基兒（Gaile），高挑身材再加標致面孔被傳成為紅外線透視偷拍目標之一，擔心成為「獵物」的Gaile，嚇得即時雙手掩胸，更自嘲「我冇乜嘢睇o架。」
Gaile昨日穿上杏色長裙出席麥當勞活動，為一輛紐約Yellow Cab主持揭幕儀式，對於因中國跳水女王郭晶晶被紅外線透視偷拍下變全裸，令娛樂圈泛起一陣「透視恐慌」，盛傳不少女藝人包括Gaile是下一個「獵物」。昨日當Gaile聽到成為目標人物，她即時交叉雙手在胸前表示：「吓，咁驚！我冇乜嘢睇，都唔知係咪真嘅！」Gaile稱以前都聽聞過類似的透視偷拍，更反問記者有何防避方法。記者稱專家提議要着深色衫，淺色易透視，Gaila又再次雙手護胸笑言：「今日着咗淺色衫添。（商場行騷會唔會好驚？）但真係好難避到，惟有小心啲，如果真係有咁嘅事，應該要用法例去保障大家私隱。」
唔想影響救人
此外，早前黎明與Gaile及好友關兆昌坐車駛經一個交通意外現場，關兆昌和助手落車幫手，反觀黎明和Gaile坐在車上袖手旁觀。Gaile表示當日食完晏剛巧路經交通意外地點，當時是Leon叫停車，並叫朋友及助手落車了解，而警員到場後，他們都主動留下聯絡電話給警方，有需要都樂意做證人。對被指冷漠，Gaile無奈說：「如果冷漠就停都唔停就駛走啦，Leon落車嘅話，可能焦點會向咗Leon度，影響咗救人。」
至於有指黎明將上水愛巢成功高價出售，Gaile笑言：「今日我都喺嗰度出嚟喎，冇賣到！（賣其他單位？）冇，呢啲都係傳言嚟。」當記者指Leon身形暴脹不少，Gaile即力撐老公：「佢依家真係瘦咗好多，過幾日你哋喺衞蘭演唱會見到就知。」
文：音樂組