吳君如自嘲飲宴剋星
吳君如昨日出席奧比斯活動，接受訪問前，君如笑說要學張栢芝一樣，不接受八卦訪問。談到近況，她表示：「今年四月去過印度做探訪，之後會再去探啲小朋友，我成日都想帶埋個女去，但要測試下小朋友嘅耐力。」君如原來兩個星期前曾帶女兒到雲南農村探陳可辛班，女兒捱了一陣就嚷着返酒店，君如表示：「佢去到忍咗一陣，攞咗啲粟米餵雞，跟住就話要返酒店歎冷氣，佢好少見大自然，見到啲蚊都會𠵱嘩鬼叫。」
對於早前有指君如在商天娥的婚宴上，與劉嘉玲面左左，君如對此沒好氣的說：「以後都唔去飲，真係去飲剋星，當晚因為好難得見到好多舊同學同老師，梗係同佢哋傾偈，嘉玲成日都見，嗰晚我都無同華倩講嘢。」