Alan今返港撐Sally冇得縮

樂隊Mr.主音Alan昨日仍在杭州宣傳，對於事件女主角Sally堅稱與爆樽的吳先生只屬朋友，但現場的紅酒樽招紙上卻有「To 老公」的親密稱呼，前後矛盾，他昨日接受記者電話訪問時，坦承有問過Sally有關招紙的事：「有問過佢，佢話所有嘢都係個男人安排，我錄口供嗰陣都話佢係情緒失控！（吳生有搵過Sally？）有冇搵過我唔知，不過我有叫佢小心，我真係唔想牽涉嗰個男人，因為我根本唔識佢！」

強調只是朋友

Alan再次強調與Sally只是朋友關係，絕冇感情瓜葛：「我哋係朋友，做朋友就要幫到底，唔可以有事發生就縮！（發展機會？）我唔知，依家只係做番好朋友嘅嘢，就係關心！」他表示不認識Sally父母，直言Sally並非圈中人，希望傳媒不要騷擾對方。

而環球高級副總裁黃劍濤亦很支持Alan，不會「照肺」，亦不擔心事件影響Mr.形象。而記者致電Sally的父親陳明耀時，他正在開會，對於女兒的感情事，陳父稱不清楚亦不會理會。

心情未受影響

另外，譚詠麟昨日在微博上載與Mr.五子的合照，相中的Alan笑容滿面，心情似乎未受影響！而組合Square前晚出席活動，成員Brian及James均表示與Alan熟落，James相信他的人格不會「撬牆腳」，而Brian自爆曾發生類似事件：「佢（前情敵）爆招牌添，唔使咁嘅，最後咪退出囉！」另外，Mr.今日將回港出席名車活動，日內又再到北京為新碟《Rolling Power》宣傳。

文：音樂組