四叔唔使百億收購無綫
上月傳出無綫將易主，由李兆基（四叔）長子李家傑出面，與內地富豪聯手，以九十億收購邵氏股份，變相間接持有無綫。消息傳出後，無綫副主席及董事總經理方逸華（六嬸）不停被追訪。不過日前事態有新進展，有傳六嬸不再堅持原定過百億的出售價及要求當無綫主席之條件，雙方交易有望在明年二月完成。
自六嬸掌管無綫後，因對其班子要求相當高，曾傳出眾多高層表現未達六嬸要求，紛紛萌去意。直至傳出四叔接手無綫後，原本意興闌珊的高層即有興趣留低，希望為四叔「打工」；坊間更傳出李家傑出面拉攏前無綫總經理何定鈞「出山」重掌無綫大權。不過記者昨日聯絡剛從加拿大度假返港的何定鈞，他表示未收過李家傑電話，並對這個「重任」無興趣。他說：「我啱啱玩完返嚟，我唔做啦，咁辛苦做乜，我啲錢多到使唔晒。」
祥仔盼送買樓禮券
下月年屆一百零三歲的無綫主席邵逸夫（六叔），成為最長壽的上市公司主席，創下世界紀錄。下星期一（十八日）無綫台慶亮燈儀式，六叔與六嬸將齊齊出席，估計是最後一年以老闆身份主持台慶相關儀式。
另外，無綫一眾藝人當然希望親手拎新老闆「四叔」的農曆新年大利是，其中黎耀祥笑說：「係就好，年初一最好搞埋大抽獎，有『四叔』公司嘅買樓禮券，如果攞埋佢哋啲示範單位出嚟，畀我哋做員工宿舍就更好。」
