亞姐防紅水着加工
「中國跳水王后」郭晶晶被紅外線偷拍的片段令女星陷入恐慌，亞視為防亞姐被紅外線偷拍，特別規定今屆佳麗穿着泳裝時必須貼乳貼及選用厚質料的泳衣。另外，首度泳裝亮相的「Barbie姐」廖祉甯又自爆大髀內側有傷疤，叫大家慢慢找尋。
《2010亞洲小姐競選》（港澳賽區）十三位候選佳麗昨日在荃灣某酒店以三點式泳裝見傳媒。郭晶晶練習時被紅外線偷拍後，亞視亦針對事件對亞姐泳裝作出特別安排，包括規定亞姐穿泳裝時必須「打底」貼乳貼，選用厚質料的布料製造泳裝及事先測試布料，嚴防佳麗「蝕底」。亞視高層葉家寶接受電話訪問表示：「泳衣仲會選用一的多圖案嘅款式，同埋會提醒佳麗亦要提高警覺。」
楊晴35上圍稱霸
昨日佳麗先後以三點式泳裝出場，最有睇頭要數「國產Twins」，身為姐姐的(1)楊晴，她的35、24、34.5三圍無論在視覺和數字方面皆稱霸佳麗。而早前因事請假而首度以泳裝亮相的「Barbie姐」(13)廖祉甯三圍數字是34.5、23、33.5。她接受訪問時表示首次着泳衣心情緊張，覺得自己身材勝在平均，但又有點肥胖。
廖祉甯爆髀有疤
向來語出驚人的廖祉甯更自爆：「我因為心臟病，之前大髀內側開咗一刀進行心血管檢查。（疤痕明顯嗎？）你哋睇唔到證明化妝師厲害啦，留番畀你哋搵吓啦。之前仲簽咗紙、籌咗七萬蚊準備萬一要做通波仔手術，好在一直有儲錢同有熱心朋友幫助。（係咪同你傳婚訊嘅朋友幫助？）私人嘢唔方便講，要問過朋友意願。」而H寇晨瑜則被發現胸部及腹部皆出現瘡印，她解釋是最近去了脫癦，瘡印稍後就會消退。
採訪：影視組 攝影：攝影組