時間錦囊：楊愛瑾成長印記

我由嫲嫲、爺爺湊大，呢隻戒指係嫲嫲過身後由爺爺送畀我嘅最後一份禮物，所以好有紀念價值，一直都擺喺床頭櫃度，久唔久會攞出嚟望吓，勾起唔少童年回憶。	條鑽石鏈係我入行冇耐媽咪送畀我嘅生日禮物，我屋企唔興送生日禮物，媽咪想我出席活動時都有條鏈充撐吓，佢儲咗好耐錢先買到，所以好多時我都會戴住。	當年Cookies參加各大頒獎禮嘅大會襟針，我覺得好有紀念價值，依家睇番覺得時間過得好快，搵番好多o靚妹仔回憶。
第一次擔正電影女主角，呢本圖冊係導演特別搵人印，仲要印得唔係好多本，佢私人送咗本畀我，睇番會諗起當時拍攝嘅場口，依家擺咗喺電視櫃頂。