陳慧琳贈李嘉欣喼弗秘方

【戴佩玉上海直擊】陳慧琳（Kelly）、內地名模宋佳及內地演員霍思燕昨日於外灘出席《Joy & Peace》鞋騷活動，Kelly甫出現即成為焦點所在。對於正懷孕的李嘉欣，日前公開表示會視Kelly為目標，工作至最後一刻之餘，誕下兒子不久即成功修身，對此Kelly說：「佢一定可以好弗，我都唔係做到最後一刻，有咗5、6個月驚動胎氣，都開始減少工作，只不過係咁啱有廣告出街，keep住有曝光率。」對於修身成功，Kelly毫不吝嗇公開喼弗心得，便是懷孕時一周做兩至三次瑜伽。