超盈約定Greg陪賭王受勳

超盈與男友Greg感情向來要好，二人一直視對方為結婚對象，日前本報在Facebook內發現多張Greg為超盈慶祝生日的甜蜜合照，大晒恩愛。不過，近日卻無端傳出Greg暗交Mia的友人。

記者就此事致電超盈求證，超盈坦言Greg與Mia的男友Hayes是好朋友，二人經常相約消遣，對於傳聞，對男友行蹤瞭如指掌的超盈表示：「應該係有一次Hayes約咗Greg去飲嘢，同場有Mia同佢嘅一位女性朋友，後來兩個女仔都有啲醉，Hayes就送Mia返屋企，而Greg就出於禮貌，負責送Mia嘅朋友走。可能因為咁而引起不必要嘅傳聞。」而在超盈身旁的Greg亦接過電話說：「我唔識個女仔，連佢個名都唔知，大家冇交換電話，嗰次之後都冇任何聯絡。」

只當笑話咁聽

超盈強調對男友百分百信任，對謠言只是一笑置之，問到賭王是否知情，她笑說：「佢都只會當笑話咁聽，遲啲喺爹哋獲頒大紫荊勳章嘅日子，Greg都會同我一齊去。」

據知，今次事件是有心人為博見報而放風，而Greg事先亦不知道Mia會帶同朋友到場，出於風度的行為卻慘被利用來大做文章，可謂十分無奈。

地位已被認可

另外，記者致電Mia，她說：「嗰晚唔係得四個人，係有成班人。（你個朋友係o靚模？）唔係。」

其實超盈與Greg感情要好，雖然超盈甚少提及感情事，但從Facebook的照片中可見，上月超盈生日，Greg特別親自下廚，為她炮製驚喜生日晚餐。此外，Greg又與超盈一家人為超盈慶祝生日，可見Greg的未來女婿地位已被何家認可。文：名人組