周柏豪畀好友撬牆腳

周柏豪與楊淇主演的舞台劇前晚開鑼，楊淇師傅張艾嘉、Janice Man專程捧場，柏豪在劇中與飾演女友的楊淇兩度咀嘴，又遭對方兜巴星，由於楊淇最後搭上柏豪的好朋友，氣得柏豪講粗口「×街」發洩。柏豪說：「綵排時佢真打落嚟，留下五指印。」問到現實生活有否試過女朋友被好友搶走？柏豪說：「試過兩次，最後一次發生喺中四，個男仔打畀我話佢兩個已經一齊，我收完線雙手係咁震。」而楊淇感謝師傅抽空支持。