傅嘉莉單戀青雲︰佢唔睬我

Kelly現正身在泰國拍攝彭發電影《完美童話》，並與劉青雲合作，雖然多年前拍過電影《無間道》、《校墓處》，但事隔多年再拍戲猶如初哥，加上與名導演及影帝合作，所以壓力好大，幸好青雲體貼又肯教新人，她舉例說︰「同青雲做對手戲，到只係拍我時，本來佢可以休息，但青雲都會留低繼續喺鏡頭外做對手戲畀反應，等我可以入戲，呢一點令我好感動。」至於會否擔心傳緋聞？她說︰「我暗戀佢，但佢唔睬我！不過都係喺戲中，現實梗係唔會啦！戲入面我係做警察，係劉青雲嘅下屬，成日跟佢做嘢。」

獲導演疼錫

而導演彭發亦一樣疼錫她，她說︰「佢可以畀好多個take我，等我發揮好啲，解釋劇情時用畫面表達好清晰，等我好易投入到。」另外，Kelly喜歡做模特兒又喜歡演戲，因為演戲可以用另一個角色身份演繹不同的人生，好有挑戰性。日前她趁不用拍戲的空閒時間，到酒店泳池游水減壓，紓緩一下自己的緊張情緒。

Kelly大讚青雲對新人夠晒細心。

劉青雲

文：名人組