林峯見低V港姐唔敢亂瞄

林峯笑言：「有記者在場，我唔敢望，（有乜心水？）未有印象，（(目及)定留為己用？）唔好玩啦！我知你笑我同鍾嘉欣，不過佢係華姐，唔係港姐。（熟晒嘉欣個底？）之前想搵啲歷屆港姐拍嘢，有人提過咪記得。（無綫連港姐期都畀你？）咁我喺無綫大，入行到依家，公司都畀好多好嘢我，好錫我！我要全力以赴，做到最好回饋公司。」

(13)陳庭欣尷尬擘腿

(13)陳庭欣以火紅短裙上陣，在跑車前搔首弄姿，但她說：「條裙短，怕走光，仲要企正喺前面，企唔穩之餘，有啲甫士仲要擘腿，好尷尬，惟有用手遮。」(8)彭慧中被問到有否被林峯電眼迷倒，她直言：「冇喎！佢唔係我偶像，我好少睇港劇。林峯雖然靚仔，但我鍾意運動型，佢太斯文。」

而日前自爆拒絕富家子求愛，遭爆料報復的(12)湯寶珍說：「報道出咗，佢冇sorry亦冇再滋擾，但我收到親人、同學支持短訊，叫我唔好氣餒，其他佳麗都有鼓勵我，我參選只想學嘢，非為攞獎，我覺得啲傳聞係想我攞唔到獎。」

(13)陳庭欣對擘腿甫士，大感尷尬。

(13)陳庭欣（左起）、(12)湯寶珍及(8)彭慧中（右），大讚林峯靚仔。

文：影視組