今期GAG神請得三位英皇歌手鍾舒漫、陳偉霆和泳兒挑戰爛Gag IQ 題，今次表現最好係鍾舒漫，用咗廿秒時間就答到，陳偉霆和泳兒就左諗右諗，亂估一餐，最後宣布投降。
問題：甚麼酒價格是最貴？
鍾舒漫：咩酒係最貴呀？咁難架？（喺你人生當中好重要架！）咁係咪喜酒啊！（冇錯，就係喜酒，你有冇諗過結婚啊？）有啊！我想喺三十五歲後結婚，到時就係一個高齡產婦，哈哈。
泳兒：等我諗吓先，咩酒係最貴啊！（諗咗一陣）我諗係火酒，因為飲完就要入醫院，哈哈（再試吓！）係咪液體嚟架？我真係諗唔到，開估啦！（喜酒呀！聽完佢即刻趴喺張枱度）估唔到係呢個答案。
陳偉霆：會係咩酒呢？最貴？（一副出力諗樣）諗唔到喎！（試諗吓！）係咪酒井法子（唔啱，佢個助手即時爆出一句）走狗咪搵錢最多囉！（可惜都係冇答啱問題）
答案：喜酒
