祖兒引火自焚裸睡散熱

容祖兒昨日聯同蔡卓妍（阿Sa）、林峯、王祖藍等出席《翡翠明珠羣星耀馬場》活動，並擔任壓軸演出嘉賓，當中林峯和阿Sa更雙雙騎馬出場，可惜馬兒有點失控，不停轉圈令兩人略見狼狽，林峯坦言曾被馬匹拋落地，整個背部受傷。至於容祖兒則表示為新片《翡翠明珠》曾學騎馬，但技術仍未到家：「知道今日唔使騎鬆一口氣，我同馬都有緣，經常拍戲拍廣告都會接觸，但我都好驚，雖然冇身材但都驚畀佢踩扁。」

賭馬做明燈

祖兒又透露有不少朋友為沾旺氣找她賭馬，可惜自己一向都是明燈，沒有賭運，至於會否學郭富城做馬主，她說：「我諗我未有呢方面研究，陸地上好多嘢都未擁有，通常啲馬主都係鄺美雲，我做貓主就有份，不過呢排就考慮緊做狗主，但屋企已經有隻貓，都係諗吓。」祖兒突然自爆近來天氣熱有誘人舉動，更擔心自己會着火自焚，她說：「我好勁，咁熱瞓覺都冇開冷氣，冇開窗，不過瞓醒就扯高晒啲衫。」

同一活動上出現的洪卓立，以戲中厚重戲服亮相，透露曾經因工作而暈倒中暑，現已學懂照顧自己，並說：「我依家唔同晒，健康嘅體格又好咗，學識夏天飲多啲水，唔使埋位住就去陰涼嘅地方。」另外同場的苟芸慧則透露自己昨天27歲正日生日，能在工作中度過坦言很特別。

容祖兒與王祖藍出場與觀眾打招呼。

眾人開香檳，為現場增添歡樂氣氛。

文：影視組