不滿被抹黑拉姑：我好惡咩？

向來愛錫張栢芝的狄波拉，早前出席公開場合大吐苦水。對於被指禁新抱復工及不贊成孫仔Lucas入行，感到十分無辜。日前在ifc撞見拉姑與老公鬍鬚Kong逛超市，她一見記者拍照，即忍不住上前再呻：「啲報道成日話我鬧人，又話我唔畀栢芝復出，轉頭又話唔畀個孫仔發展，搞到同我打麻雀啲人成日問我，但我又冇講過！」拉姑還笑笑口反問記者：「咁你平時影我，又覺唔覺得我好惡、成日鬧人？」當記者答不覺得時，拉姑立即開心地拖着老公離開。