栢芝霆鋒無懼官司氹仔大過天

最近有內地廣告商入稟金華市中級人民法院，向栢芝索償逾四千萬。有官司纏身壓力自然大，不過栢芝依然發揮好媽媽本色，昨日她與老公霆鋒一起行街，幫Lucas購買同學仔的生日禮物。兩公婆對Lucas一切事都不假手於人，不愧為圈中的模範恩愛夫婦。

絕配情侶打扮

昨午栢芝與霆鋒十指緊扣現身金鐘太古廣場，兩公婆作情侶裝打扮，均穿了黑色上衣牛仔褲及戴黑超。穿上黑色背心的霆鋒露出一雙麒麟臂，身形fit爆。他與穿小斜膊上衣配波鞋的栢芝，全程表現極恩愛，邊行邊笑談天說地。兩人步入玩具店內，即很有默契齊齊細心搜羅得意玩具，不時左看右看兼指手畫腳，為Lucas送給同學仔的生日禮物費盡心思。

因有傳媒在店外拍攝，惹來不少途人八卦看個究竟，當他們發現霆鋒、栢芝後，即叫兩人名字，又讚栢芝真人漂亮。霆鋒與栢芝在玩具店逗留約十多分鐘後離開，兩人行出來時，記者上前表明身份，他們都大方地讓記者拍照，栢芝更十足十小鳥依人般翹實霆鋒。當行到升降機口，栢芝即一馬當先為老公撳升降機，離開時亦有跟傳媒說：「唔該晒。」相當有禮貌。

栢芝非常疼錫Lucas，早前推着BB車帶他逛商場。	栢芝翹實霆鋒恩愛出巡，羨煞旁人。	兩公婆在店內專心揀禮物。
栢芝看到心水玩具，即叫店員拿給她。	栢芝搶住幫老公撳升降機。

陪老公睇皮鞋

記者事後致電栢芝經理人周小姐，她表示：「霆鋒啱啱喺橫店拍完《財神客棧》返嚟香港，咁Lucas有同學仔生日，Lucas要買生日禮物送畀同學仔，所以兩公婆一齊去行街。（買咗乜嘢？）玩具車仔。栢芝除咗幫Lucas買玩具之外，仲有陪老公去LV揀西裝皮鞋。（官司搞成點？）依家交咗畀律師處理，未有嘢回應。」

採：影視組、音樂組