剩番個窿
今期Gag神請得洪杰出題，挑戰鍾舒漫（Sherman）、鄧麗欣（Stephy）、王梓軒及朱紫嬈腦筋，睇吓邊個喺最短時間內，可以破解「小紅褲穿窿」嘅謎底，結果雙S得助手及王梓軒「提水」答中，都話靚女有着數啦。
問題：小紅口袋裏原有十個銅錢，但它們掉了，請問小紅口袋裏還剩下甚麼？
朱紫嬈：
我估係隻手，因為要摷錢，（唔係。）咁仲有少少錢，（都唔係。）仲有個桔，因為乜都冇晒，（又錯。）乜都冇，（都係錯。）我估唔到，有冇得棄權架？
Sherman：
我好蠢架，都試吓答啦，係咪乜都冇呀？（唔係。）吓……有冇得提水呀（答到反白眼）？好驚呀……（唱片公司人員即英雄救美，做了個圓形手勢），我知，係得個窿，（啱咗。）哈哈！
王梓軒：
我估係玩諧音，我覺得係剩番把刀，吓，唔係？仲有十個銅錢囉，（又唔係。）答案一定唔係只剩番個袋……我估係成個袋冇晒，（都係錯。）我真係估唔到啦，好難喎。
Stephy：
我估係剩番一把刀，（都話錯囉。）咁只有一隻手，（唔啱。）唉，好難呀。（在旁的王梓軒猛做口形提水）我知啦，係得個窿，哈哈，終於估中咗，我每次都估錯，得呢次啱咋，好嘢（擺出勝利手勢）。
答案：剩番個窿