劉欣宜玩遐想點誘宅男

最近o靚模可謂諸事不利,繼早前被禁於書展搞簽名會,近日又被黃秋生直斥她們「群妖亂舞」,但「E Cup Baby」劉欣宜對於外界種種輿論都一於少理,昨天又發放了一批寫真私密照,站在名車旁的她谷胸露腿,更惹來走點驚魂!

繼o靚模組合MonsterBeez及楊汀叮玩過汽車誘惑後,劉欣宜亦加入戰團,以車為主題拍了兩輯靚相,其中以粗獷造型扮整車妹,弄得滿身污垢的她,甚有美國女星美瑾霍絲在電影《變形金剛》中的影子!

影時冇底線

另外,她更穿上花花吊帶裙站在古董車旁大擺誘人pose,引死宅男!相中的她努力谷出五吋長事業線,未知是否落力過度,其中一張更惹來走點疑雲!而她亦表示拍照時搏到盡,毫無保留:「我認我影嘅時候係冇底線,但係我有做足安全措施,當中有啲係走咗光,不過後來都冇揀到,我都唔介意引人遐想!」

唔偷入書展

原來今次她用的古董車大有來頭,價值約百多萬港元,因此她亦不擔心作比較:「我架車靚過佢哋咁多,我好有信心,唔怕同人比較,影嗰時我都覺得自己升晒呢,好高貴!」而對於書展禁止o靚模搞簽名會,她竟乖乖就範:「做o靚模要守規矩,要尊重大會同公司決定,總之我唔會靜靜雞潛入去啦!」此言似在暗寸早前表示會千方百計混入書展的周秀娜。

文:專案組