江若琳少布打扮迎夏日
江若琳（Elanne）及洪卓立昨日出席電台活動，呼籲年輕人參與設計T恤比賽，兩人不約而同着上桃紅系列服裝，以背心連身裙上陣的Elanne坦言在夏天可以嘗試少布的服飾，她笑言：「我個尺度不嬲都係咁上下，同啲o靚模比就一定比下去啦，（入唔到書展？）今年太多o靚模，都分唔清邊個打邊個，書展原本好有意義，依家搞到變咗o靚模天地。」
洪卓立則表示曾經打算開舖賣潮Tee，不過因病而花光儲蓄，未能成事，他說：「爸爸教落，女人錢最易搵，一個賣衫一個美容生意，依家努力工作，有錢就落實去搞！」