王菀之軒仔鬥爆粗
緋聞情侶王菀之（Ivana）及張敬軒所主演的舞台劇《柯迪夫》前晚公演，兩人在台上又唱又跳之餘，更公然打情罵俏，一時鼻貼鼻借位扮咀，一時Ivana又狠狠掌摑軒仔，不過兩人最大突破是破格的「粗口」演出，一向斯斯文文的Ivana大叫：「×街就×街啦，跪你老×！」而飾演搬運工人的軒仔爆粗大罵：「做乜×嘢呀？」令台下嘩聲四起！
完騷後，兩人於後台接受訪問，軒仔笑言爆粗是家常便飯，他說：「講完好舒暢，不過其實做舞台劇尺度闊啲，小朋友有家長陪同就可以！」Ivana於其中一幕未着好tube dress就出場，要不時扯起裙頭避免走光，軒仔亦自爆其中一幕忘記拉褲鏈，認真烏龍！