鍾舒漫D Cup浴照撼贏o靚模
鍾舒漫（Sherman）將推出處女散文、繪本及寫真集，鮮有性感的她亦豁出去穿上三點式泳衣浸浴，雖然貿發局發出「禁肉令」，但Sherman依然「一次pass」殺入書展，撼低一眾o靚模及歌手，在寫真集混戰中先贏一仗。
Sherman躋身才女界，將於七月推出散文、繪本及寫真集，和一眾「賣肉」o靚模、歌手、藝人對撼，但貿發局宣布禁止o靚模搞簽名會，惹來一眾欲在書展促銷寫真集的美少女喪鬧表不滿。可是同樣在寫真集中，以性感泳裝造型出現的Sherman，卻暢通無阻，順利通過申請，於本月廿三日下午四點在書展搞簽名會。
蔣雅文操刀
Sherman對於有幸首踏書展，表示不知情，她說：「係咩？我未收到通知喎，去到書展，梗係開心啦，但壓力仲大，怕冇人買我本書。」Sherman透露其新書除有圖畫、文字外，還有八款不同造型的寫真集，以靚及型格為主，當中最激的一輯，是擁有D Cup上圍的她穿上三點式泳衣，浸在放滿黑水的浴缸中，而她的攝影師正是好友蔣雅文（Mandy）。問Sherman可有晒「事業線」？她說：「未知揀咗咩相，總之有手有腳啦，係型格多過性感。」Sherman又說只要靚、不色情，不介意拍三點式泳裝，但是次Mandy沒有要求。
至於一眾o靚模因寫真集「肉照」太出位而遭批評，Sherman卻力撐o靚模並非「罪人」，她說：「我都有睇新八模嘅寫真集，都影得幾靚呀，如果佢哋靠賣弄性感就唔啱架，其實外界都唔應咁狠抨擊佢哋，佢哋年紀咁輕，承受咁大壓力都好難受。」
形象夠健康
而Sherman的經理人霍汶希承認Sherman踏足書展，她謂：「我知好多女仔去唔到書展，但Sherman係冇問題，原因好簡單，因為佢形象健康囉。」
文：音樂組