鄧麗欣五吋踭脫穎而出

Stephy近日因世界盃關係，經常出席有關足球的活動，她謂這是四年一度的盛事，做女仔都要培養對足球一些興趣，不過，經驗所得，她不敢再招呼朋友回家睇球賽，她說：「通常大家都一邊睇波一邊食零食，完場之後，就會發覺滿地花生殼、薯片，搞到天翻地覆，自此真係怕怕。」

近期Stephy決定轉歌路向跳唱歌手進發，另一邊廂死敵傅穎（Theresa）同樣鬥舞技，早前以性感晒「事業線」兼騷腿造型來排舞，Stephy可有秘密招數迎戰？Stephy坦言未有看過Theresa跳舞，亦不會比較，自己努力練舞最重要。

鄧麗欣目標着五吋高踭鞋一樣可以跳舞。

傅穎早前排舞大晒事業線兼露腿，令人眼前一亮。

未獲特別優待

學舞已有一段時間，Stephy表示跳舞並非一朝一夕便能跳得好，需要花時間下苦功，才會有成果，而排舞老師亦沒有因她是女孩子有特別優待。

排舞師可有高難度動作要她苦練？Stephy表示：「對我嚟講，着五吋高跟鞋跳舞係好有難度，我希望可以舞台上做到。平時着高跟鞋行路冇問題，但跳舞係另一回事，所以，依家喺屋企都着住高跟鞋跑跑跳跳，等自己可以習慣下。」

文：音樂組

服裝：adidas