祖兒腳踏六吋靚咗先算
容祖兒腳踏六吋高跟鞋出席活動，化身「高人」成為全場焦點。她坦言是要靚唔要命，對於影響生育之說，她直認「人都未搵到，餓死都未天光」。
容祖兒、鄭希怡（Yumiko）、泳兒、鍾舒漫、洪杰、陳智燊和黎諾懿，昨日出席由英皇珠寶呈獻的電視劇《24》記者會。祖兒穿上品牌Ann Demeulemeester服裝，配上品牌Givenchy的六吋高跟鞋，在場高人一等。
自嘲戇居冇人睇
祖兒坦言愛靚唔愛命，她說：「三、四吋嗰啲都唔使諗，依家唔靚將來靚都無用，要趁青春靚晒。」對於有指經常穿高跟鞋會影響生育，她說：「我都預咗將來對腳會唔掂。（生育喎！）生先算啦，人都未搵到，生舊肉出嚟咩，餓死都未得天光，死都要靚。」她透露閒時亦會注重儀容，落街無化妝都要戴墨鏡，她說：「呢啲係尊重自己，自己唔靚就要警惕自己o架啦。」
祖兒指曾經早上七時到機場登機，亦穿上高跟鞋行一段路程，她說：「諗起都戇居，咁早眼屎都未抹淨，有鬼人睇咩。」問到前男友有否見過她「真面目」，她說：「點會未吖，初時都會去洗手間細聲啲、慢啲，耐咗蓋唔到本性，鍾意就要接受優點和缺點。」
鄭希怡認住豪宅
在場被指與男友搬入西貢豪宅的鄭希怡，她沒有否認並說：「搬咗入去都幾旺，成日要飛。（結婚？）無諗，我鍾意工作，結都要有人求婚先啦。（箍實男友？）唔使，我怕咩啫，都無諗過要小朋友。」
文：影視組