吳雨霏（Kary）昨日與樂隊Handpack到電台宣傳即將推出的新碟，眾人為今日生日的Kary送上蛋糕，問到男友如何與她慶祝？Kary說：「冇節目，佢要做嘢，其實周末食咗飯，未收禮物呀！」Kary自言人大了只想平淡過生日，至於生日願望就希望唱片大賣。
早前被拍得對廿萬電單車虎視眈眈的Kary就言揀車最緊要型，二手車亦不要緊，她說：「睇下，（叫男友買？）唔使，自己畀到！」
