洪杰唔理好醜搵圈外女友

洪杰於○七年參加新秀入行，蟄伏三年終於推出首張個人專輯《洪音樂》，等到頸都長的他大喊：「我夢寐以求嘅事終於成真啦！」他表示原計劃於去年頒獎禮前出碟，但因第一隻心血要慢工出細貨之下到今年先做到。

習慣有隊友

回想出道時，仍叫扈佳榮的他被安排與王凱駿以雙生形式孖住出席活動，他直言當時「驚驚哋」：「最初以為係獨立發展，點知被安排以組合形式見大家，都有少少唔開心。」但家人及朋友適時安慰令他慢慢放下心頭大石：「佢哋同我講組合唔常有，有個噱頭吸引大家注意係好事，漸漸我都習慣有呢位朋友喺身邊。」

討厭冇交帶

工作穩步上揚，感情卻交白卷，洪杰坦言感茫然：「自己都廿六七歲，身邊唔少朋友已經結咗婚甚至有仔女，自己拖都未有得拍。」不過他的感情又不是全片空白，曾經有過小小的起伏：「之前諗過同一個Model發展，做嘢識嘅，同佢好啱傾，大家講開美國生活好有親切感，不過識耐咗先發現佢份人比較冇交帶，係無尾飛陀，好感度就慢慢降低。」

談到擇偶條件，洪杰表示：「首要條件係性格，做人簡單，希望對方都係個直腸直肚嘅人，我唔鍾意啲人有太多『如果』同『假設』，咁樣會好辛苦，同埋我會想另一半係圈外人。」文：專案組