石詠莉：我隻狗公叫Donut
前晚組合Donut（冬甩）成員胡心諾（Rainbow）明寸組合Frezee的石詠莉及陳樂榣「老」，當石詠莉得悉後，即不甘示弱隔空反擊，她坦言不知冬甩是組合名字，更寸爆謂：「我屋企隻狗公都係叫冬甩，好cute！大家都咁kawaii。」
談到Rainbow以樣靚身材正形容冬甩，石詠莉冷淡謂：「我哋都唔弱，各有各做啫，都唔同路，希望大家用番正常心態工作，每個人都會老。」而陳樂榣亦不認同冬甩樣靚身材正：「除胡心諾外，其他都唔知係邊個，不過佢呢排個頭好唔掂，仲有啲肥，其實當初我哋都冇指名道姓話佢哋，係佢哋自己對號入座啫！」
而日前見石詠莉鼻樑高了，疑似整容，她解釋早前患腸胃炎，故消瘦不少，但不介意被指整容。