蔣怡唔識講波Ｖ煞搭夠

蔣怡昨日以一襲白色低Ｖ裙，現身《2010有線高清世界盃嘉年華場館啟用禮》，搶盡同場袁彌明以及一班載歌載舞的緊身tee配短裙World Cup Angel鏡頭，「Ｖ煞」蔣怡表現大方，坦言無懼走光。

負責搞氣氛

蔣怡指「Ｖ煞」戰衣信手拈來，她說：「條裙係今朝早揀嘅，都冇乜特別準備，其實都好安全。（唔會走光？）我又唔使跳舞。世界盃期間，我會幫有線主持節目，不過我本身對足球唔係好認識。（怕被批評唔專業？）都唔驚嘅，因為我主要負責同球迷搞氣氛，玩吓問答遊戲，唔使好豐富足球知識都應付到。（衣着使唔使性感？）少少啦，不過唔使着球衣，（酬勞如何？）咁當然雙方都滿意。」

袁彌明以超多布look示人，風頭輸晒。

一班世界妹熱舞一番，大搞氣氛。

撐非洲國家

蔣怡又指拍拖多年的男友翁狄森不會因為足球而冷落她，她說：「佢都唔係足球迷，所以我唔會有男友顧住睇波，而唔理我呢個煩惱，（會否反投訴你顧住做嘢唔理佢？）咁佢打開電視咪見到我囉！今屆我睇好來自非洲國家嘅球隊，因為我本身好鍾意非洲國家。」

文：影視組