DaDa遭胸襲射雀洩憤

o靚模DaDa、Kama和樂隊RubberBand昨日出席西九龍中心舉行的「PS3遊戲『 2010 FIFA南非世界盃』揭幕禮」活動，吸引逾百市民圍觀，當中不乏龍友，場面熱鬧。DaDa和Kama身穿球衣亮相，向以性感打扮示人的DaDa，未知是否受不法之徒將靚女照放在色情交友網影響，昨日突然密實，還棄用雙面膠紙，用釘書機將兩件衫「釘」起防走光，惟烏身時仍露出「事業線」；反觀Kama出招搶鏡，她將球衣捲起至胸口位置，化身「小腰精」露出小蠻腰，相當性感！

阿正掩住小正

兩女與RubberBand玩遊戲，並用吹氣足球頂頭槌及控球，表現投入，惟期間樂隊成員阿正不慎將足球揼落DaDa巨胸，令伊人尷尬萬分；DaDa隨即還擊，將足球「省中」對方下體，阿正只好帶笑掩住「小正」，場面搞笑。而Kama示範頂頭槌時，表現有板有眼，她笑稱因在家常練頂西瓜，及後表示純屬講笑，但曾試過用枕頭練習。問到以露腰裝撼贏DaDa，Kama即風騷扭腰說：「係咩？冇話邊個贏邊個嘅！（唔夠『咪神』撼？）我都冇『Ｅ神』（指E Cup身材）。」

「小腰精」Kama頂頭槌出色獲讚！

DaDa打扮雖然密實，但仍可以騷出「事業線」。

唔怕現色情網

對於DaDa的靚女相被盜用在色情交友網，問Kama會否擔驚受怕？她竟說：「我唔介意，多個渠道畀人認識自己。（好開放？）呢啲冇得避嘛。」至於有否試過被人當街調戲？她說：「讀書時試過同女同學放學行街，有個阿叔撩我哋，仲話『靚女跌咗條底褲』，當時我冇理佢，但我個同學好蠢，真係有望，我覺得唔應該咁做，會令佢更得戚。」

DaDa被揼中胸部，露尷尬表情。

阿正遭DaDa反擊，使出一招怒射中要害。

而DaDa表示不開心自己的照片被放在色情交友網，她說：「公司會保留追究權利，考慮報警處理，要求對方將照片刪除。」問到是否與其性感打扮有關？她說：「唔關事，啲相13、14歲嗰陣影。（點解佢哋有？）可能我之前放喺討論區同社交網站。（擺性感相？）咁又冇，有啲相影完唔靚已delete，有啲就自己keep，唔會流出嚟。」

採訪：專案組