陳偉霆分心啜嬌撞爆嘴
陳偉霆與鍾欣桐（阿嬌）在新戲《前度》中，有不少激情親熱戲，雖然艷福不淺，但陳偉霆竟表示感覺絕不好受，直言要跟阿嬌咀嘴好尷尬。
由阿嬌、陳偉霆（William）及詩雅主演的英皇電影《前度》即將上映，戲中三人分別有不少親熱鏡頭，其中飾演情侶的阿嬌與William更有大膽激咀場面，期間二人逼在一張又硬又窄的古董椅上激咀，不時撞到對方的嘴，難怪錫到嘴都腫。
William在戲中享盡艷福，分別與兩位靚女有激情咀戲，但他自言拍攝時感覺尷尬：「雖然同阿嬌好熟落，但係拍攝呢啲親熱鏡頭難免會尷尬，而且我哋又要逼喺張櫈度咀，一方面要就住鏡頭，另一方面又驚動作太大撞到阿嬌，仲要交戲，真係一心三用。」而阿嬌則透露有個鏡頭是William激動地接近她，期間二人一不小心嘴撞嘴，搞到嘴唇都腫晒，認真大犧牲。
日日練水食極唔肥
至於阿嬌夥拍方力申主演的電影《出水芙蓉》將於七月上映，她在戲中飾演游泳高手，為求逼真，向來不諳水性的阿嬌，在拍攝前進行游泳特訓，一星期游足七日，每日七至八小時。她表示今次拍攝，每天的運動量都超標，大吃大喝都唔肥。而游泳港隊出身的小方「升呢」成為片中游水顧問，更要求導演跟他比試泳術，被阿嬌笑稱他是「show off王」。
文：影視組