李嘉欣榮升阿姨激動標淚
李嘉欣家姐懷五個月B仔，即將榮升阿姨的嘉欣既興奮又激動，喊濕成盒紙巾，雖然自己暫時未有造人計劃，但揚言要做稱職的許家新抱，拍戲離港不得超過三個月。
李嘉欣昨日出席《海港城×UNICEF「孩是你最好」揭幕儀式》，嘉欣大讚同場三位小妹妹可愛，但自己卻未有造人計劃，亦不擔心做高齡產婦，她說：「幾高齡都有可能有，幾低齡都有可能冇，大家唔使將啲數字框喺人身上，女性有好多嘢要兼顧。」
離港不超過三月
作為許家新抱，嘉欣雖暫時仍未為許家添丁，但揚言會做足本分，就算接戲都不會離港超過三個月，她說：「如果離開3、4個月唔會考慮，我喺屋企都有角色要顧慮，over3個月我覺得自己會失職囉。」
嘉欣透露家姐懷孕五個月，自己透過超聲波成為首個見到BB的人，她說：「好興奮，第一次見到BB我流晒眼淚，喊濕成盒紙巾，生命真係奇妙，好感人。」嘉欣笑說連家姐都沒有她如此大反應，更表示家姐很想生女孩，卻失望地得知懷的是男嬰，現在只好選擇順其自然。
否認做媒
雖眼見家姐懷孕，但沒有加強嘉欣做媽媽的念頭，她說：「冇乜渴求，上天自有安排。（找代母的計劃呢？）依家冇計劃，好悶，成日講呢個未出現嘅人，我都有自己嘅家庭，我嘅生活仲有好多精彩事，可能時辰未到啩。」
另外，有指嘉欣為家姐牽紅線，嫁入豪門，嘉欣笑說家姐一向多桃花，自己從來沒有介紹任何人。
文：影視組