張栢芝生完第二胎未夠一個月，體重已由高峰期的一百七十磅回落至一百卅多磅，婦產科專科醫生羅致廉表示屬於正常情況，因為女性在懷孕期間會有水腫、胎水或BB變大等因素導致體重上升，生完後便會自動減磅，他說：「生完之後梗係會輕好多，如果產婦係餵人奶，身體卡路里消耗會大啲，減磅速度亦會快啲。」
不過，醫生不建議極速收身，他解釋：「所有極速減肥方法都係唔健康，要一步步達至均衡飲食，如果想唔肥，建議少食甜同油類食物，最好食番啲鈣片或者綠色蔬菜來補充鈣質。」