霆鋒先冧栢芝後拍家輝
張栢芝本月為老公謝霆鋒誕下謝家二少爺Quintus後，同樣是「五月生」的她，明天便三十歲生日，霆鋒雖然將離港一個多月拍攝新片，但亦已決定親身同老婆講聲「生日快樂」，才出發專心搵奶粉錢。
栢芝自誕下謝家二少爺後，仍未有公開露面，行蹤神秘，對於栢芝牛一會否出外大事慶祝一番，其經理人周小姐表示：「栢芝依家仲坐緊月，應該唔會出街慶祝，但會有三五知己上佢屋企陪佢切餅、食飯，其實人大咗，生日慶唔慶祝都冇所謂。（霆鋒預備咗咩生日禮物？）生仔又送禮物，生日又送禮物，邊得嚟咁多禮物？就算知，都唔講得啦，何況唔知！」
但據悉將要到橫店，與張家輝、佟大為、黃奕等合作拍攝王晶古裝新片的霆鋒，已決定本月26日才起程，計劃為老婆送上溫馨難忘的生日。
帶女兒見識
而張家輝昨日出席《苗圃助學大使 張家輝委任儀式@朗豪坊》時，大談湊女心得，他說：「我會帶個女去做探訪，未定幾時，但始終會做，唔想小朋友只係見到其他小朋友被保鏢送返學，想佢睇多啲唔同嘅嘢。個女出世後，我幫佢每月捐一百蚊去慈善機構，佢依家四歲，我想佢學識分享。我做探訪時，見到好多義工都好無私，佢哋嘅故事都令人好振奮。」
家輝又說有追看深宵重播、自己有份主演的《天地豪情》，他說：「好懷念當年拍劇點滴，（返TVB？）咁多年來，我拍過好多，唔係部部得呢！（怕唔怕世盃開始，《天》劇會失寵？）如果撞到正實唔夠世盃打。」
文：影視組