豬迷網上撲飛遭走數

小豬在剛過去的4月30日、5月1及2日來港舉行一連三場紅館個唱，雖然最高票價定為$680，但仍無阻「豬迷」熱情，掀起瘋狂撲飛熱潮，個唱結束近一個月，昨日本報收到讀者電郵求助，指曾透過一個網上討論區訂票，可惜最後撲飛不成之餘，負責訂飛的論壇壇主收錢後更失蹤閃人。

金額達14萬

受害讀者提到該壇主曾言可以優先為「豬迷」訂飛，但必須即時報名及過錢，最後因供不應求，大部分豬迷撲飛變撲空，涉及金額高達14萬，但壇主卻遲遲未有退錢及「現身」交代，更「遠走高飛」隨小豬到台北與新加坡繼續「開騷」。

部分受害豬迷留言，懷疑壇主將訂飛錢拿作慶祝生日，有些激動豬迷就爆粗斥責壇主行為，又揚言報警求助。記者到論壇發現豬迷分成兩黨，有的就為壇主講好話，可惜未見其本人發言平反，另外有豬迷爆出「撲空雙胞」，指未有退錢的訂飛團不止一個，疑被兩頭受騙過千元。

望水落石出

小豬唱片公司金牌大風發言人表示：「首先我哋公司只有兩個正途方法賣飛，就係透過城市售票網同信用卡，呢件事我哋有聽聞，亦聽過有人已報警，都希望盡快搵到嗰個人畀返錢大家，暫時未有fans求助，希望將來fans都以正途方法買飛，唔好有機會畀不法之徒有機可乘。」

採訪：音樂組