官恩娜（Ella）獲好友王友良邀請睇騷，她說：「佢知我嚟日本錄音，所以叫我嚟睇騷，好難得可以欣賞日本騷，睇到好多今季流行嘅新衫，勾起我購物欲。（有冇帶夠『彈藥』入貨？）都係碌卡，身上得幾張卡，其實日本fashion有好多選擇。」Ella又透露今日（23日）將灌錄處女日文歌：「今次嚟日本目的係錄日文歌，下星期就會返香港。（Shopping？）希望有啦，不過都怕用晒啲錢，要用萬能膠黐實銀包。」
