城城險中行無懼泰動亂
泰國政局動盪，曼谷市中心雖陷入混亂狀態（左圖），但寰宇電影投資，劉青雲、江若琳主演的《完美童話》及郭富城主演的《Ｂ＋偵探》，將於六月及七月在當地開工，對當地恢復秩序能力有信心。
寰宇電影高層林小強昨日表示：「彭發執導嘅《完美童話》，六月會喺泰國開工，彭順導演嘅《B＋偵探》，七月亦都會喺泰國拍埋個ending，（唔怕當地秩序大亂？）我相信當地政局會慢慢平息，彭發依家已經喺泰國為套戲做緊籌備，佢話當地冇問題，好安全。」本報昨日致電彭發，至截稿前仍未獲回覆。
彭順指必定超支
彭順昨日接受電話訪問，他說：「《Ｂ＋偵探》仲有場ending戲未拍，本來想喺市中心取景，依家要再考慮，可能移師郊區，暫定七月開工。（紅衫軍示威有冇令套戲變相用多咗錢？）有，實際用多幾多未去計，好在ending戲一場都未拍，如果唔係，拍咗嗰啲一係唔要得，一係焗住喺市中心拍埋，保險公司都有話唔保，又話睇定啲先再傾條款，所以錢一定會用多咗。（擔唔擔心身在泰國嘅彭發？）我同佢喺MSN傾過，其實都冇咩擔心，混亂都只係短時期，依家最頭痛係交通問題，出去做嘢都唔方便。」
Gary想買避彈衣
有份到泰國拍攝《完》片外景的男子組合Square成員Gary說：「我發夢喺泰國坐van仔中槍，表妹死咗，我想買避彈衣，（你好驚？）唔驚，好在唔係喺市中心，嗰邊又有陽光海灘，可以做gym。」James則說：「我預計會喺泰國過生日，生日願望係一切順利。」
文：影視組