筱靖叫Rainbow專心讀書
胡心諾（Rainbow）昨日與兩名師妹出席亞視活動，僅穿着背心熱褲「踩場」跳大繩，又不時掩胸、抆衫免走光。亞視方面則派出身材好的筱靖「迎戰」，見她將背心剪到露臍又露乳溝，她表示造型乃公司安排，更寸爆較她密實的Rainbow謂：「我都聽聞過佢哋飛bra，但我就冇興趣影寫真，因為老喇，不過如果十五、六歲，都係返去讀書好啲，我哋呢啲廿五、六歲係為事業，（佢哋都係為事業！）咁佢廿五歲係咪收山先，如果係就冇乜大志囉！」
筱靖又謂自己會接泳衣騷，但就不會學Rainbow般全裸上陣：「我哋呢啲唔使盡地一鋪嘅，嗰啲漏奶、飛胸墊唔使喇！」
