劉嘉玲自認幸福 珍惜現在

劉嘉玲昨日身穿Lanvin藍色晚裝配以四吋高跟鞋出席CHAUMET 230周年慶祝晚宴，與以黑色ESCADA晚裝上陣的陳沖碰頭，二人即十指緊扣合照。提到生BB的問題，嘉玲說：「我覺得我哋已經好幸福，要珍惜有嘅嘢，我同偉仔有共識，順其自然。」而同場的何超盈大讚何超儀的新戲很好看，又說：「我哋交情OK，我叫佢做Josie家姐，佢叫我Sabrina。」
嘉玲與陳沖（右）在晚宴上碰頭，手拖手合照。
嘉玲與陳沖（右）在晚宴上碰頭，手拖手合照。

另外，嘉玲前日獨自到中環行街，到名店Max Mara掃貨。被記者追住影的嘉玲顯得有點不耐煩，反問：「有乜好影呢？」期間有數名手持捐款箱的女仔上前叫嘉玲捐錢，但嘉玲竟拋下一句：「唔喇！」然後直行直過登車走人。

嘉玲見有人募捐，竟直行直過。
  • 嘉玲見有人募捐，竟直行直過。
超盈直認與何超儀交情不錯。
  • 超盈直認與何超儀交情不錯。