千嬅細碼恤衫逼老公吊頸
楊千嬅跟老公丁子高經常隔空晒恩愛，千嬅昨日出席皮鞋品牌活動，不忘為老公揀皮鞋，不過就要致電對方問size，更自爆為老公買兩次衫都不合身。難得丁子高毫不介意，肉麻表示會永遠留在千嬅身邊。
千嬅昨日盛裝出席鞋履品牌Clarks開幕儀式，可免費任攞鞋款的千嬅，入到旗艦店即第一時間為老公挑選啡色皮鞋，但她這個丁太太並不稱職，要打電話問老公size，她笑說：「平時見到啱就買畀佢，揀款我好叻，但就勁買錯size，試過兩次買恤衫畀佢個碼都太細，佢問我係咪買畀佢吊頸用。」
生仔十畫未有一撇
千嬅又指丁子高比她細心得多，對她的身材好清楚，她笑說：「我粗心大意，試過攞衫去洗衣舖，先發現張身份證喺褸袋。（老公幫你買內衣？）咁貼身嘅嘢一定要自己買，如果佢買細咗買大咗我都嬲，買細咗即係睇唔起我，買大咗着唔落即係寸我啫，佢IQ好高，知道無謂買啲容易嗌交嘅物件。」
問到千嬅可會攞定童裝鞋畀仔女？她笑說：「唔好咁快攞，小器o架，老人家話未係叫胡唔可以講，依家枱都未開未洗牌。」
丁子高在另一個手錶活動上，即隔空發表愛的宣言，揚言在手錶上要傳遞「I will always be there for you」訊息給太太。
羨慕霆鋒恨要男B
他又在微博留言指好羨慕霆鋒，又大讚對方細仔好得意，他笑說：「千嬅話如果咁得意都可以諗（生仔）。」丁子高坦言鍾意仔較多，因為男仔可以放心送去外國讀書，他說：「如果係女梗係黐爸爸，邊放心送佢出去讀書。」
文：音樂組