Mandy搵銀冒險赴泰
模特兒Mandy Lieu昨日出席Chouette腕錶活動，近期甚少露面的她，表示正忙於拍攝旅遊節目，將拍到九月才完工，而星期日將到泰國布吉拍攝，問她會否擔心泰國政局不穩定？她說：「都有啲驚，但我哋已check過布吉安全啲，而且我哋又係直飛。（有冇諗過唔去？）冇，之前已改期，依家冇得再改，不過成team人都好保護我，夜晚唔會一個人去夜街，係都成班人一齊去。」被問到會否買重保險？她說：「都會買大啲，買旅遊保險好重要。」
由於Mandy直至九月才完成旅遊節目的拍攝，問她收入會否減少？她說：「會夾吓啲期，而且呢個節目都有收入，只係冇以前咁多騷行。做節目主持好開心，幾日冇見已好掛住成team人。」