曾志偉：有挫折先有進步
崔建邦傷人案終告一段落，而一眾好友亦戥他開心，不少都表示會與他吃飯慶祝，並且希望早日可跟他再合作。
曾志偉：我不嬲都好信得過佢，覺得佢冇事，呢五個月對佢係好大教訓，不過人生有挫折先有進步，之前我都有同佢食消夜，佢都有幫我啲活動做義工。（會否請佢食飯慶祝？）一定。（會否向TVB美言幾句等佢復工？）我都幾鍾意同佢合作，年輕一輩嚟講佢天分好高。（鄺敏慧都在場旁聽，離開時眼濕濕！）佢嚟做乜？有少少奇怪囉！對佢不願置評。
吳家樂：聽到消息好開心，清者自清，佢係司儀方面人才，希望快啲復工，之前都有同佢見面，一切在心中。
宋熙年：終於大步檻過，都放心，希望佢快啲返嚟《東張西望》，之後會約埋成班同事同佢食飯。