莊思敏喪笑辣興吳浩康
莊思敏昨日為時裝騷擔任模特兒，以大露背上陣，她自嘲：「我覺得露背衫幾靚，因為我冇胸。如果唔使放矽袋，我都會考慮隆胸。（想要幾長事業線？）我都唔知幾多吋先適合，依家啲人鍾意愈長愈好，頂到上喉嚨，（男友吳浩康有冇話要幾長？）唔知，我都唔好意思問，可能佢話愈Deep愈好。」不過，她不認同「事業線」愈長，事業運愈好，她以容祖兒為例，認為平胸也可以好紅。
另外，她爆吳浩康因遺失銀包而滯留北京，她說：「佢以為補領證件好方便，點知要去深圳搞手續，要由北京搭24個鐘火車先去到深圳。（你有冇接濟佢？）我點接濟佢，佢身邊有朋友，好安全。我已經發動微博力量，希望幫佢搵番個銀包，但都係搵唔到。」
朋友相助
原來吳浩康早前勇闖泰國出席國際音樂節，之後飛北京為新劇《美女如云》配樂，卻不慎跌銀包，沒證件回港而滯留北京。記者昨日致電給吳浩康，他表示幸好北京有朋友幫手買火車票，今日坐火車到深圳辦手續，希望盡快返港。他說：「朋友都為我擔心，莊思敏知道後竟然大笑成個鐘，我嬲爆咪cut佢線囉！」
文：名人組