鍾懿憑畫寄意催B哥娶范姜
明日是一年一度的母親節，榮升兩女之母的范姜、初任媽媽的徐淑敏、無綫花旦楊怡在這個溫馨節日，都準備了不同慶祝節目。擁有繪畫天分的鍾懿，自製心意卡送給母親范姜及居於台灣的婆婆，更憑畫寄意向父母催婚。
范姜日前出發赴台灣陪鍾鎮濤（B哥）工作，年紀小小的鍾懿親自畫了一張心意卡，好讓母親將心意卡帶到居於台灣的婆婆手上，當作母親節的禮物。范姜指鍾懿一歲多便會畫啤啤熊，多年畫下來的作品，范姜都當「無價寶」收藏起來。
要等得閒先
小朋友畫畫總是隨心而畫，喜歡的便畫下，范姜謂：「鍾懿之前畫咗一幅畫，係畫我同B哥嘅結婚相，佢話去同學仔屋企啲父母有結婚相，問點解我哋冇，我咪答佢未結婚囉，佢就叫我哋結婚。」對女兒逼婚，范姜笑言：「遲啲得閒先！」鍾懿則問：「點解要等得閒先呀？」范姜不知如何應對，惟有跟女兒說：「因為Busy囉！」鍾懿似懂非懂終放媽咪一馬。
問范姜可會讓有畫畫天分的鍾懿參賽？她表示：「唔會啦，唔想佢攞唔到獎而唔開心，我知佢畫得靚咪得囉，唔需要用獎去證明。」
鍾幗肥嘟嘟
至於小小B女鍾幗，五個月長得肥肥白白可愛不已，但范姜表示當年鍾懿比妹妹體重更高。
另外，阿B昨日於台灣出席記者會，提到當年有傳他和鄧麗君拍過拖兼見過家長，問他是否曾經對鄧麗君心動？阿B笑笑口說：「郎有情、妹無意！」
文：音樂組