基仔吼筍盤送贈女友
鍾欣桐（阿嬌）、古巨基及英皇群星佩戴千萬黑鑽珠寶，以閃爆造型現身豪宅「維壹」酒會，當中以阿嬌的鑽飾行頭最勁，得寵嬌知恩圖報，早前已買下單位力撐，基仔亦唔執輸要買埋一份送給女友。
昨晚在英皇地產「維壹」貴賓酒會上，阿嬌、基仔、黃耀明、張家輝、泳兒及鍾舒漫（Sherman）、陳嘉容等以黑白色系列服飾現身撐場，眾星和模特兒均佩戴由英皇珠寶贊助的千萬黑鑽首飾，星光和珠寶互相輝映。其中以阿嬌的首飾至閃最貴，耳環、頸鏈及手鏈價值130萬，而Sherman及泳兒的鑽飾分別為20及50多萬，身價和地位成正比，證明阿嬌備受器重，而老闆楊受成未有到場。
要攞折頭買首飾
成為「維壹」豪宅業主的阿嬌也愛首飾，但因太貴買不起，雖然她買入價值2,700萬的豪宅，卻謙說：「所以咪冇錢買鑽飾囉，買樓可以保值。（會唔會轉售呢個豪宅？）好難講，到時先算，我對地產唔係咁熟悉。」她估計老闆會畀折扣買首飾，但自感年紀尚細，不用心急。母親節將至，阿嬌未知當日可有空慶祝，不過媽咪要求簡單，有靚蛋糕食已滿足。至於好姊妹阿Sa（蔡卓妍）因在沙漠拍戲而缺席。
家輝送樓做嫁妝
基仔的黑鑽襟針及戒指也相當搶眼，他說曾考慮揀選王冠飾物，問是否配合他一哥地位？基仔笑笑說：「送畀將來嘅王后，母親節送畀阿媽。」他坦言被父母催婚生仔，雖然他也想生ＢＢ，可惜工作實在太忙：「我有心有力，唔擔心做高齡爸爸。」基仔又說一定會買樓送給他的「唯一」，叫容祖兒及阿嬌等他做鄰居，問他是否其緋聞助手女友Lorraine？基仔認低威說每次都給傳媒問到啞口無言。
張家輝不慣佩戴首飾，自認是實際人較喜歡買樓，將來囡囡結婚也會送樓作嫁妝。至於黃耀明、泳兒及Sherman自嘆無錢買不起豪宅。
文：音樂組