鍾嘉欣搵男友爸爸做辦

鍾嘉欣早前為紙巾品牌拍了一輯廣告，昨日她出席記者會時即席示範紙巾摺花，表示會送給媽咪作母親節禮物。鍾嘉欣指身在溫哥華的母親，不時飛返香港照顧她，為免媽咪太辛苦，常勸她無謂奔波勞碌：「媽咪由細到大都當我BB咁看待，大個後又擔心我嘅事業同婚姻。（咁快啲搵男友咪唔使媽咪擔心？）唔係㗎，可能會仲擔心，結咗婚都會當我係BB。媽咪話搵男友一定要好，好似我爸爸咁。」問到她的緋聞男友林峯是否像她爸爸？她說：「唔係好似，我爸爸好冷靜、好純，乜都say yes。（林峯唔夠純？）唔係。（林峯乜都say no？）唔知呢，你哋問吓佢啦。」